Брэсцкія ўлады далі дазвол на вулічны фестываль “100 год БНР”

12:31 14 марта 2018 608
ОБСУДИТЬ
Мерапрыемства адбудзецца 25 сакавіка а 12-й гадзіне на плошчы Свабоды ў Брэсце і распачнецца святочным мітынгам з удзелам прадстаўнікоў гарадскіх уладаў, грамадскіх дзеячоў і гісторыкаў.

Таксама ў праграме свята запланаваны канцэрт (з удзелам гарадскога духавога аркестра, гуртоў Cad Goddeu, B:N, Zolki Band, СПРАТ, Relikt), выстава-продаж нацыянальнай сімволікі, кнігарня, “Кірмаш Валанцёрства” ад грамадскіх арганізацый і валанцёрскіх ініцыятыў горада, майстар-класы для дзяцей і дарослых ад беларускіх рамеснікаў, фотазона ад прадстаўнікоў рэканструктарскіх клубаў.

Як нагадаў старшыня Брэсцкай абласной арганізацыі Партыі БНФ Дзмітрый Шыманскі, для падрыхтоўкі і правядзення фестывалю створаны арганізацыйны камітэт. У яго склад увайшло больш за 20 чалавек, сярод якіх прадстаўнікі грамадскіх арганізацый і палітычных партый.

“Праз 100 год ад моманту абвяшчэння незалежнасці Беларускай Народнай Рэспублікі, можна ўпэўненна сцвярджаць, што мары яе заснавальнікаў здзейсніліся. Мы жывем у незалежнай краіне. Нягледзячы на тое, што ў нашым маладым грамадстве яшчэ застаюцца нявырашаныя праблемы, у юбілейную 100-ю гадавіну хочацца зрабіць свята. Таму мы рыхтуем пазітыўную, урачыстую і радасную імпрэзу з конкурсамі, віктарынамі, розыгрышамі прызоў і святочнай сімволікай”, — распавёў адзін з заяўнікоў фестываля, старшыня абласной арганізацыі Партыі БНФ Дзмітрый Шыманскі.

З дазволу гарадскіх уладаў, фестываль пройдзе пад бел-чырвона-белымі сцягамі, сімволікай партый і арганізацый, што ўваходзяць у аркамітэт.

“Мы заклікаем жыхароў горада ўзяць з сабой бел-чырвона-белую сімволіку, а для мітынгу напісаць сацыяльны ці палітычных плакат, які будзе адпавядаць тэматыцы фестываля”, — адзначыў Юрый Казакевіч, адзін з сябраў аргкамітэта, абласны каардынатар Руху “За Свабоду”.

У 100-ю гадавіну абвяшчэння незалежнасці Беларускай Народнай Рэспублікі арганізатары брэсцкай акцыі лічаць дарэчным і неабходным правядзенне святочнага мерапрыемства. Яго мэта – засведчыць адданасць жыхароў горада найвышэйшым каштоўнасцям беларускай дзяржавы: свабодзе і незалежнасці, павазе да гісторыі і культуры беларускага народа.

Аргкамітэт запрашае рамеснікаў і прадстаўнікоў бізнэсу прэзентаваць сваю прадукцыю на адной з крэатыўных пляцовак фестывалю.

Сачыць за паведамленнямі з хэштэгамі #БНР100 і #БНР100Брэст можа ў сацыяльных сетках: ВК — https://vk.com/bnr100_berascie і ФБ — https://www.facebook.com/BNR100Brest.

Тыя, хто жадае дапамагчы, далучыцца да арганізатараў альбо стаць валанцёрам, могуць запоўніць кароткую форму па спасылцы: https://goo.gl/JSrh5M.

Таксама прымаюцца ахвяраванні на арганізацыю канцэрта і выраб святочнай сімволікі праз краудфандынг (падрабязнасці тут).

Па словах Дзмітрыя Шыманскага, арганізацыйны камітэт рыхтуе дакладны план мерапрыемства. Ідзе праца над праектамі рэзалюцый, удакладняецца спіс удзельнікаў фестывалю.

Если вы нашли ошибку, пожалуйста, выделите фрагмент текста и нажмите Ctrl+Enter.

ЧИТАТЬ ЕЩЕ СТАТЬИ

218
15 марта 2019 22:19

В Пинске в Музее Полесья выставили уникальный клад монет, найденный в 1941 году

В течении всего нынешнего года в Музее Белорусского Полесья будет осуществляться проект "Тайны пинской земли". По планам организаторов ежеквартально здесь будут представлены клады, найденные во время раскопок в регионе.

465
14 марта 2019 22:14

Игры разума в Ивацевичах. Знаете, кто победил? «Мои любимчики». ФОТО

Друзья, отличный получился старт сезона! Приятная атмосфера, упорная борьба за лидерство и просто позитив – это то, что сделало этот будний вечер совсем не будним!

47
14 марта 2019 12:05

18 сакавіка на сцэне Палескага драмтэатру “Біблія князя Радзівіла”. Відэаанонс

Спектакль “Біблія князя Радзівіла” прысвечаны Мікалаю Радзівілу Чорнаму, аднаму з самых вядомых гістарычных дзеячаў Беларусі XVI ст.

303
14 марта 2019 11:23

Команда КВН СШ №4 г. Ивацевичи будет выступать в Брестской лиге

Как известно, без шуток и смеха наша жизнь была бы просто невыносимой и бессмысленной!

Сообщить об опечатке

Текст, который будет отправлен нашим редакторам: