110 будучых Рэмбрандтаў: у Івацэвічах прайшоў абласны пленэр юных мастакоў

22:45 28 апреля 2018 1 014
ОБСУДИТЬ
Незвычайную карціну пабачылі 28 красавіка жыхары Івацэвічаў: куды ні глянь, на вуліцах сядзелі мастакі з мальбертамі ды малявалі краявіды гораду. Многія жыхары не праміналі магчымасці зрабіць сэлфі з мастакамі, іншыя пыталіся, што за падзея такая. А падзея - гэта рэгіянальны конкурс дзіцячага малюнка "Спадчына-2018".

110 юных мастакоў з’ехаліся ў Івацэвічы з 13 раёнаў Брэсцкай вобласці, а таксама з Гродзеншчыны, каб паўдзельнічаць у гэтым конкурсе.

І недарма месцам абраныя Івацэвічы, бо менавіта тут маецца сапраўдная школа юных мастакоў, якія штогод заваёўваюць узнагароды на ўсялякіх мастацкіх імпрэзах.

Андрэй Лычкоўскі

Як распавёў адзін з сябраў журы конкурсу мастак Андрэй Лычкоўскі, юныя мастакі расфармаваліся па трох узроставых групах, ды працавалі над карцінамі ў трох месцах гораду. Хтосьці захацеў маляваць каля царквы, іншыя — каля дому культуры. Так, ці інакш, мастак з Узды Андрэй Лычкоўскі назваў пленэр надзвычай важнай падзеяй:

«Сюды прыехалі 2 каледжы і 33 мастацкія школы з Брэсцкага рэгіёну і не толькі. Дзеці ад 9 да 17 гадоў. Першы этап праходзіў дыстанцыйна — больш за 200 удзельнікаў прыслалі свае працы. З іх палову журы адабрала ўдзельнікамі гэтага пленэру. Я не першы раз ужо ў Івацэвічах. Два гады таму мы ладзілі пленэр на радзіме Касцюшкі ў Косаве і тады палюбілі ваш край,» — распавёў знакаміты мастак.

Андрэй Лычкоўскі выказаў уласнае ўражанне, што падобных пленэраў ён ня бачыў нават у сталіцы, дзе часам такія конкурсы адбываюцца не з такім энтузіязмам.

Людміла Крукоўская

Як распавяла куратар конкурсу Людміла Крукоўская, на гэты фэст мастакоў прыехала ўплывовае журы на чале прафесарам кафедры гісторыі і тэорыі мастацтваў Беларускай дзяржаўнай акадэміі мастацтваў, мастаком Яўгенам Шунейкам.

«Гэты конкурс прысвечаны тэме «Экалогія душы — экалогія Зямлі». І нам прыемна прыняць у сваім горадзе столькі юных мастакоў».

Людміла Вікенцьеўна спадзяецца, што падобныя мастацкія пленэры стануць рэгулярнымі і не будуць ужо здзіўляць жыхароў нашага гораду.

Як распавёў карэспандэнту ПР адзін з удзельнікаў пленэру, які маляваў пейзаж каля Дому культуры, вучань 9 класа Агарэвіцкай школы Ганцавіцкага раёну Аляксандр Горбач, яму спадабалася маляваць у Івацэвічах:

«Малюю з малога дзяцінства. Не, у конкурсах не ўдзельнічаў, упершыню тут, і вельмі падабаецца».

Аляксандр Горбач
Аляксандр Горбач з дыпломам удзельніка на сцэне Івацэвіцкага дому культуры

Аляксандр кажа, што сваю будучыню хоча звязаць з мастацтвам. Магчыма, некалі гэтага хлопчыка будзе ведаць уся краіна і не толькі, як вядомага мастака-дызайнера.

І кожны з удзельнікаў пленэру стварыў работы надзвычайнай прыгажосці. Трэба сказаць наперад, што праз пэўны час выстава работ удзельнікаў пленэру будзе прэзентаваная ў Івацэвіцкім музеі.

Усіх пераможцаў конкурсу мы назавем на нашым сайце ў асобным артыкуле.

Кіраўнік журы конкурсу прафесар Яўген Шунейка

Сёння ж адзначым найаўтарытэтнейшае журы, сярод якога апроч згаданага выбітнага мастака Яўгена Шунейкі ўвайшлі вельмі вядомыя ў мастацкім асяроддзі Беларусі асобы — сябра Беларускага саюзу мастакоў Фёдар Ладуцька, выбітны мастак з Узды Андрэй Лычкоўскі, выкладчык дызайну Валкавыскага каледжу Гродзенскага універсітэту Валерый Супруненка, дызайнер Мікалай Раманоўскі, народны майстар Беларусі Таццяна Зданевіч. 

Вялікую дапамогу ў правядзенні пленэру аказала Праваслаўная Царква, таму ў журы былі кіраўнік аддзела па рэлігійнай адукацыі Пінскай епархіі Віктар Сачкоўскі, благачынны цэркваў Івацэвіцкай акругі, настаяцель царквы Дзяржаўнай іконы Божай Маці Рыгор Піліпчук.

Таксама, сябрам журы была прадстаўніца ідэалагічнага аддзелу Івацэвіцкага райвыканкаму Ірына Чалык.

Настаўнікі юных мастакоў

 

Если вы нашли ошибку, пожалуйста, выделите фрагмент текста и нажмите Ctrl+Enter.

ЧИТАТЬ ЕЩЕ СТАТЬИ

68
21 марта 2019 21:06

«Или я или конь?»: рыцари на сцене Пинской школы-интерната. ФОТО

«Или я или конь?» - именно такое оригинальное название для очередной постановки выбрал режиссёр любительского театра, действующего в «Пинской специальной школе-интернат» Николай Клюско.

95
21 марта 2019 13:50

Дмитрий Донской из дерева и Дарья Домрачева из картона на выставке в Пинске

Учащиеся и работники учреждений образования области представители на суд жюри свои работы для участия в Республиканском смотре инновационного и технического творчества.

135
21 марта 2019 10:13

Найденный в Ганцевичском районе клад впервые представлен в музее Белорусского Полесья

Выставка является частью проекта «Сокровища пинской земли», который приурочен к акции «Пинск - культурная столица Беларуси».

93
19 марта 2019 09:59

К нынешнему лету в Пинске планируют завершить строительство нового детского сада

Объект возводится в строящемся микрорайоне Радужный, где пока нет дошкольных учреждений образования.

Сообщить об опечатке

Текст, который будет отправлен нашим редакторам: