SIGBELavtosotekla
SIGBELMOB

У Пінску судзяць дырэктара, у якога быў канфлікт з падлеткамі, што каталіся на самакаце

22:00 05 декабря 2018
360
У Пінску прайшоў першы дзень працэсу над дырэктарам школы Фёдарам Радзівонам, якога вінавацяць паводле артыкула 9.1 Адміністрацыйнага кодэксу — «Наўмыснае нанясенне цялесных пашкоджанняў» падлеткам, якія каталіся на скейце і самакаце на ганку школы 11 верасня.

Замірэння не адбылося

На пачатку працэсу суддзя запытаўся, ці не жадаюць бакі прымірыцца.

«Прайшло ўжо тры месяцы, а чалавек нават не выбачыўся. Пра якое прымірэнне можа ісці гаворка?» — заявіла маці аднаго з пацярпелых хлопчыкаў.

«Майму дзіцяці нанеслі траўму і звінавацілі яго ў згвалтаванні. Ніякага прымірэння не будзе», — сказала маці другога падлетка.

Пасля суду яна патлумачыла карэспандэнту, што пад гэтымі словамі мела на ўвазе тое, што «пэўныя людзі з групы падтрымкі» дырэктара распаўсюджвалі пасля канфлікту ў сацсетках інфармацыю, што яе сын датычны да згвалтавання.

«Я напісала на іх заяву ў міліцыю за паклёп», — сказала яна.

Ударыў галовамі падлеткаў на ганку школы

Судздзя зачытаў матэрыялы справы, паводле якіх дырэктара Фёдара Радзівона вінавацяць у тым, што 11 верасня ён ударыў галовамі падлеткаў Міхаіла Ц. і Дзяніса Ж., і з гэтай прычыны Міхаіл атрымаў цялесныя пашкоджанні. Апроч таго, дырэктара вінавацяць у нанясенні цялесных пашкоджанняў маці Міхаіла Кацярыне і яе старэйшаму сыну Андрэю.

Паказанні бакоў

Дырэктар Фёдар Радзівон сваёй віны не прызнаў. Ён заявіў, што выйшаў запрасіць дзяцей на гутарку, бо яны каталіся на ганку і ўяўлялі пагрозу для дзяцей, якія выходзяць са школы.

«Але я пачуў: „Ды пайшоў ты!“. Яны працягвалі катацца, і калі я рушыў ім насустрач, можа, крыху не разлічыў сваіх магчымасцяў, атрымалася сутыкненне двух дзяцей», — сказаў Фёдар Радзівон.

Дырэктар прызнае, што пасля гэтага, калі дзяцей завялі ў школу, у аднаго з іх была кроў на губе і яму прыкладалі сурвэткі.

Пасля здарэння Радзівон з іншымі супрацоўнікамі школы павёў дзяцей у кабінет, адзін з падлеткаў па дарозе патэлефанаваў маці.

Кацярына Ц. у сваіх паказаннях патлумачыла, што была ў шоку ад убачанага, калі прыйшла.

«Мой Міша вісеў на крэсле, а Радзівон крычаў на яго і біў далонню ў галаву і грудзі», — кажа Кацярына.

Кацярына апавяла, што ёй не адразу ўдалося забраць з кабінета сына Міхаіла, а толькі пасля таго, як увагу дырэктара адцягнуў на сябе яе старэйшы сын Андрэй.

Пры апытанні ў судзе Андрэй заявіў, што дырэктар падчас канфлікту ў кабінеце ўдарыў яго па шчацэ і ўхапіў далонню ззаду за шыю, націскаючы ўніз.

Таксама апыталі 15-гадовага Дзяніса Ж., які пацвердзіў, што дырэктар сутыкнуў яго і Міхаіла галовамі на ганку.

11-гадовага Міхаіла Ц. у судзе не дапытвалі, яго інтарэсы прадстаўляе маці.

Аднак напрыканцы паседжання суддзя пастанавіў выклікаць падлетка на наступнае паседжанне. Яго дапытаюць у прысутнасці педагога.

Маці хлопчыка была супраць яго апытання ў судзе, аргументуючы тым, што дзіця — інвалід, і для яго гэта будзе стрэс.

Аднак суддзя настаяў, Міхаіла выклічуць на наступнае паседжанне, якое пройдзе 14 снежня. Таксама выклічуць як сведак працаўнікоў школы, дзе адбыўся канфлікт, і эксперта, які рабіў заключэнне аб цялесных пашкоджаннях.

Крымінальнай справы не заводзілі

Праверку па факце інцыдэнту праводзіў Пінскі міжраённы аддзел Следчага камітэту. Аднак начальнік СК не ўгледзеў падставаў для таго, каб прыцягнуць дырэктара Фёдара Радзівона да крымінальнай адказнасці «па факце нанясення цялесных пашкоджанняў» (ч. 3, артыкул 426).

Радыё Свабода

Чытайце таксама:

Директор пинской школы рассказал о причине конфликта, который обсуждают в соцсетях

Если вы нашли ошибку, пожалуйста, выделите фрагмент текста и нажмите Ctrl+Enter.

автостекла-моб

ЧИТАТЬ ЕЩЕ СТАТЬИ

34
17 декабря 2018 12:34

Военную присягу приняли новобранцы в Бресте и Пинске

В субботу, 15 ноября торжественные церемонии принятия Воинской присяги прошли в Брестской крепости и на центральной площади Пинска. Среди молодого пополнения в частях Брестского гарнизона и Пинского погранотряда есть и наши земляки.

464
16 декабря 2018 15:00

О дрогичинском пандусе, про который писал «Першы Рэгіён», сообщили в Госконтроль и просят провести проверку

Госконтроль просят проверить рациональность использования бюджетных средств при строительстве пандуса в г. Дрогичин. Как стало известно "Першаму Рэгіёну", соотвествующее обращение в Комитет государственного контроля Брестской области написал директор частного образовательного социально-информационного учреждение «За свой город» из Бреста Игорь Масловский.

67
13 декабря 2018 16:26

C рабочим визитом в Пинске побывал председатель Государственного таможенного комитета

В частности, глава ведомства Юрий Сенько встретился с коллективом таможенного поста «Пинск», где провел единый день информирования.

27
13 декабря 2018 12:48

Вигилийный вечер накануне Рождества, прошел в Генеконсульстве Республики Польша в Бресте

Традиционно по этому случаю здесь читали литургию, пели. Пожилым людям раздавали рождественские угощения, делились Оплаткем.

Сообщить об опечатке

Текст, который будет отправлен нашим редакторам: