У інтэрнэце запусцілі петыцыю каб спыніць будаўніцтва на месцы расстрэлу яўрэяў у Брэсце

20:28 01 февраля 2019 490
ОБСУДИТЬ
На будаўнічай пляцоўцы ў цэнтры Брэста знайшлі парэшткі дзясяткаў людзей, забітых нацыстамі падчас Другой сусветнай вайны. Цяпер пошукавы батальён займаецца раскопкамі, а ў інтэрнэце з'явілася петыцыя, каб будаваць на гэтым месцы забаранілі.

На рагу вуліцы Куйбышава і праспекту Машэрава ў Брэсце пачалося ўзвядзенне жылога комплексу «Прыбужскі квартал». Тут і адкапаў экскаватар парэшткі — спачатку чатырох чалавек, на глыбіні прыблізна 1,5 метра.

Пасля гэтага працы прыпынілі, выклікалі адмыслоўцаў пошукавага батальёну Мінабароны, якія цяпер вядуць там раскопкі. Лік знойдзеных парэшткаў ідзе на дзясяткі.

SkodaSkoda

У гады вайны тут было гета і расстрэльвалі яўрэяў. Непадалёк — помнік памяці 34 тысяч ахвяраў Брэсцкага гета.

Чыноўнікі не раіліся з аб’яднаннем яўрэяў, што рабіць з парэшткамі

Старшыня Брэсцкага гарадскога яўрэйскага грамадскага аб’яднання «Брыск» Рэгіна Сіманенка сказала Свабодзе, што ўлады нічога не паведамілі аб’яднанню пра знаходку на месцы будоўлі.

«Гэта ўсё проста непрыстойна. Колькі гэтыя косці ўжо можна цягаць туды-сюды? У яўрэйскай традыцыі нельга пераносіць косткі, чалавек павінен на тым самым месцы быць пахаваны. Калі вы не хочаце яе прытрымлівацца, то закапайце дзе хочаце, і не трэба з гэтага рабіць нейкія патэтычныя падзеі. Я лічу, што Брэст не на самым лепшым месцы знаходзіцца ў адносінах да яўрэйскай тэмы», — сказала яна.

«Не дапусціць чарговага акту непавагі да ахвяраў генацыду»

Мастацтвазнаўца ў галіне архітэктуры Ірына Лаўроўская з Брэста мяркуе, што варта забараніць будаўніцтва на месцы выяўленых парэштак. Яна стварыла адпаведную петыцыю ў Савет Міністраў, Генеральную пракуратуру ды Брэсцкі гарвыканкам.

«Важна спыніць якую-кольвек забудову гэтай тэрыторыі з дзьвюх прычын: першая — невядома, колькі яшчэ таямніц хаваецца побач, і другое — павага да памерлых.

Адно з самых страшных пракляццяў у яўрэяў гучыць так: „Хай зямля выкіне твае косткі“. Нельга дапусціць, каб ужо новае пакаленне ўчыніла зло, якое дапусцілі нашы продкі ў 1842 годзе, пры пабудове крэпасці. Тады былі спаганеныя 500-гадовыя яўрэйскія могілкі, косці памерлых выкапаныя з магіл і перапахаваныя на новых могілках, — гаворыцца ў петыцыі. — У 1950–1970-х гадах новыя яўрэйскія могілкі таксама былі апаганеныя, на іх месцы пабудаваны стадыён „Лакаматыў“. Мы прапануем не дапусціць чарговага акту вандалізму і непавагі да ахвяраў генацыду».

Замест будаўніцтва дому на месцы расстрэлаў Лаўроўская прапануе «стварыць мемарыяльны парк (сквер) у памяць аб 30 тысячах берасцейцаў яўрэйскай нацыянальнасці».

Мастацтвазнаўца памятае, як яшчэ за савецкім часам знаходзілі пахаванні расстраляных яўрэяў.

«Прайшло столькі гадоў, і аказалася, што дзяржава не парупілася, каб даследаваць гэтую тэрыторыю на прадмет маштабу гэтай трагедыі. Гэтую тэрыторыю трэба пакінуць у спакоі. Калі мы не перастанем адносіцца да парэштак людзей як да смецьця, то ўвесь час будзем вакол гэтага хадзіць», — лічыць спадарыня Лаўроўская.

На месцы знаходкі парэштак людзей будуецца жылы комплекс прэміўм-класа «Прыбужскі квартал». Яго ўзводзіць аднайменнае ААТ паводле інвестыцыйнай дамовы з аблвыканкамам. Дом мае паўстаць у 2019 годзе.

Радыё Свабода

Раней пра знаходжанне костак людзей на гэтай будоўлі «Першы рэгіён» паведамляў тут:
В центре Бреста обнаружено массовое захоронение времен Второй мировой войны

Если вы нашли ошибку, пожалуйста, выделите фрагмент текста и нажмите Ctrl+Enter.

ЧИТАТЬ ЕЩЕ СТАТЬИ

380
17 апреля 2019 16:21

15 беларускіх «Нотр-Дамаў», разбураных камуністамі. ФОТА

У савецкія часы бальшавікі знішчылі сотні беларускіх святыняў. Дзясяткі былі падарваныя або разбураныя, хоць перажылі войны і пажары, сотні — наўмысна занядбаныя. Бальшавікі не шкадавалі ні праваслаўных цэркваў, ні каталіцкіх касцёлаў, ні сінагог, ні мячэцяў, не кажучы пра рэпрэсаванне святароў розных канфэсій.

165
16 апреля 2019 20:33

Более сотни пинчан приняли участие в «фэсте экскурсоводов»

В городе над Пиной городские пешеходные маршруты поводят как опытные экскурсоводы, так и новички, которые хотят привнести в экскурсионную жизнь Пинска новый взгляд.

857
03 апреля 2019 21:35

В Дрогичинском районе на ферме откопали еврейское надгробие. ФОТО

Надгробие - еврейскую мацеву нашли на ферме у деревни Гнилец Дрогичинского района. Трактор откопал ее при чистке навоза.

859
25 марта 2019 20:36

В Березе в День Воли местная жительница вывесила бело-красно-белый флаг. Фотофакт

Березовская активистка Белорусской социал-демократической партии (Грамада) Татьяна Тарасевич 25 марта, в День Воли, вывесила с балкона партийный бело-красно-белый флаг с розой. Таким образом Тарасевич присоединилась к флеш-мобу вывешивания флагов по всей стране в традиционный праздник годовщины провозглашения Белорусской Народной Республики.

Сообщить об опечатке

Текст, который будет отправлен нашим редакторам: