Пасля публікацыі ў СМІ інваліду з Бярозаўскага раёну зрабілі пандус

15:21 20 декабря 2017 443
ОБСУДИТЬ
Два гады Уладзімір Вялюк з вёскі Лукомер Бярозаўскага раёну чакаў вырашэння сваёй праблемы. Інвалід першай групы, які перасоўваецца на вазку, пасля рамонту дарогі каля дому аказаўся заблакаваны ў сваім двары.

Дарожнікі паднялі дарогу больш як на метр. У выніку інвалід, каб выбрацца на шашу, мусіў паўзці на высокі насып і цягнуць за сабою вазок. Скаргі і звароты да мясцовых уладаў і дарожнікаў не прынеслі плёну.

Сітуацыя змянілася пасля публікацый у СМІ пра ягоную праблему.

«Неўзабаве пасьля таго, як з’явілася публікацыя пра мяне ў інтэрнэце, сюды завіталі чыноўнікі. У тым ліку нават з Менску прыехалі, шмат машынаў было. Разбіраліся на месцы», — кажа Уладзімір Вялюк.

Пры гэтым, кажа інвалід, мясцовыя ўлады сварыліся на яго — маўляў, навошта было звяртацца ў СМІ?

«Абуралася галоўным чынам старшыня мясцовага сельсавету. Крычала на мяне, што навошта было выклікаць сюды так званых „БНФаўцаў“. А я кажу: а да каго мне яшчэ звяртацца, калі ні да кога не дагрукаешся?» — кажа вясковец.

Ва ўсякім разе, галоўная праблема інваліда цяпер вырашана. З ягонага двара на высокую дарогу пабудавалі пандус.

«Пасля разбораў чыноўнікаў сюды прыязджалі хлопцы з Малецкага ЖКГ. Хуценька насыпалі пясок, паклалі асфальт, а наверх залілі бетон, дый усё. Пазней поручні паставяць, а так пандус ужо гатовы. Два дні ўсяго працавалі. А столькі гадоў чакаў гэтага, прасіў жа ня раз, звяртаўся да чыноўнікаў. Раней жа запаўзаў на дарогу і цягнуў за сабою вазок. Пакуль выпаўзу па зямлі, увесь брудны быў», — узгадвае Уладзімір Вялюк.

Пакуль на новы пандус інвалід яшчэ не выяжджаў, але кажа, што гэта сапраўды паратунак з «аблогі», у якую ён трапіў пасля рамонту дарогі два гады таму.

«Магу хоць у краму заехаць, дый наогул так выехаць. Бо адзін увесь час у гэтых сценах. А так, канечне, весялей будзе. Добра, што зрабілі пандус. Хоць пакуль зіма, то надта нідзе ня выедзеш. Але ўжо запланаваў неяк выбрацца на рыбалку», — кажа інвалід.

Уладзімер перакананы, што калі б ён не звярнуўся да журналістаў, то ягоная праблема да гэтага часу так і не была б вырашаная.

«Усё гэта дэманструе стаўленне да людзей, да інвалідаў. Бо як будзеш маўчаць, то ніхто нічога ня зробіць», — кажа інвалід.

Радыё Свабода

Чытайце:
«Нікому мы не патрэбныя», — пасля рамонту дарогі вазочнік заблакіраваны ў сваёй хаце. ВІДЭА

ЧИТАТЬ ЕЩЕ СТАТЬИ

4 809
29 июня 2020 22:40

Жизнь за колючей проволокой: мысли заключенного после 2,5 лет тюрьмы

Быть зеком – стать изгоем до конца своей жизни. Здесь неважно, за дело попал на зону или по иронии судьбы. Но факт остаётся фактом: данный пункт в судьбе человека большинство принять не готово.

368
29 июня 2020 14:39

Блогеры Сергей Петрухин и Александр Кабанов переведены в следственный изолятор в Минске

Их подозревают в организации групповых действий, грубо нарушающих общественный порядок и сопряженных с явным неповиновением законным требованиям представителям власти.

1 317
27 июня 2020 22:22

Напишите письмо ганцевичскому журналисту в изолятор

Прошла ровно неделя с момента задержания журналиста "Ганцавіцкага часу" Сергея Багрова. После суда, на котором ему дали 15 суток, он находится в изоляторе временного содержания города Барановичи. К Сергею не пускают никого. Передачи принимают только от близких родственников.

3 643
25 июня 2020 00:02

Ведущая БТ возмутилась, что задерживают журналистов в прямом эфире

Неожиданный пост солидарности, в том числе и с журналистами нашего издания, опубликовала в своем инстаграм ведущая женского ток-шоу БТ Катерина Пытлеева.