Як вучні з івацэвіцкай СШ №4 дабрачыннасцю займаюцца

10:23 21 декабря 2017 725
ОБСУДИТЬ
У рамках рэспубліканскай акцыі “Нашы дзеці” у ДУА “Сярэдняя школа №4 г.Івацэвічы” Івацэвіцкага раёна праходзіць шмат дабрачынных акцый. Адна з самых значымых – “Падары цацку дзецям”. Яе ўдзельнікамі сталі ўсе дзеці ад першага да адзіннадцатага класаў школы і іх бацькі. Хто купляў новыя цацкі ці школьныя прыналежнасці, а хто да іх дадаваў і сваю любімую і дарагую сэрцу цацку, каб падзяліцца любоўю і дабрынёй з равеснікам, які расце без матчынай ласкі ці мае абмежаваныя магчымасці.

Такая традыцыя нарадзілася летась, а сёлета яна значна пашырыла свае рамкі і, здаецца, і надалей будзе набіраць свае абароты, казаў дырэктар. Па выніках дадзенай акцыі было сабрана: болей за 1200 цацак, вялікая колькасць канцылярскіх прыналежнасцяў, у ліку якіх альбомы для малявання, сшыткі, каляровыя алоўкі, ручкі, акварэльныя фарбы, фламастары, гуаш, мялкі, лінейкі, гумкі, трафарэты, пластылін, наборы каляровага кардону… Акрамя таго, 50 расфарбовак, 42 дзіцячыя часопісы, каля 160 кніг, 32 мазаікі, 6 мячоў, каля 30 упрыгожванняў для валасоў, зробленых сваімі рукамі, скакалка, дартс, бадмінтон і шмат іншых прыемных дробязяў.

Валанцёрамі школы сёлета разам з педагогамі было арганізавана наведванне УА “Цэнтр карэкцыйна-развіваючага навучання і рэабілітацыі г.Івацэвічы”. Дзецям гэтага цэнтра было падорана каля 400 мяккіх цацак, а таксама школьныя прыналежнасці.

Традыцыйна ў школе праходзіць напачатку снежня дабрачынны кірмаш, у якім прымаюць удзел усе вучні школы, а таксама педагогі і іх бацькі. Мэта кірмашу – аказанне дабрачыннай дапамогі па падрыхтоўцы падарункаў да Новага года дзецям з абмежаванымі магчымасцямі, якія вучацца ў ДУА “Сярэдняя школа №4 г.Івацэвічы”.

Напярэдадні Дня інвалідаў валанцёры школы наведалі  ДУ “Івацэвіцкі тэрытарыяльны цэнтр сацыяльнага абслугоўвання насельніцтва”.

І вось 15 снежня ў маршруце – ДУА “Целяханская спецыяльная агульнаадукацыйная школа-інтэрнат”. Сустрэлі гасцей з чацвертай школы Івацэвічаў ў Целяханах гасцінна і радасна. І хоць галоўная ёлка не з’явілася яшчэ ў зале, дзе праходзяць ранішнікі, памяшканне яе, калідоры, кабінеты ўжо ўпрыгожаны навагоднімі кампазіцыямі, цацкамі і гірляндамі. На кожным акне школы і спальных карпусоў – навагоднія выцінанкі, а разам яны ствараюць карціну творчага яднання ў чаканні казачных цудаў. Дырэктар школы-інтэрнат Алена Васільеўна Хоміч правяла для гасцей цікавую экскурсію па школе, паказала з якім імпэтам і стараннем дзеці рыхтуюцца да навагодніх святаў, а ў зале гасцей чакалі дзеці. Яны не хавалі сваёй радасці, на ўсе прапановы адказвалі дружным “Так”, гэтак жа дружна дзякавалі за падарункі. Кожны з іх сам выбіраў цацку-дзве-тры па душы і шчасліва ўсміхаўся. У знак удзячнасці дзеці падарылі і дырэктару СШ №4 г.Івацэвічы падзелку, зробленую сваімі рукамі.

–Мы будзем супрацоўнічаць, – казаў узрушана Алег Васільевіч Раўчэня пасля размовы з дзецьмі і дырэктарам Целяханскай школы-інтэрнат Аленай Васільеўнай Хоміч. – Сёння я зразумеў, што дзецям патрэбны не толькі падарункі, а больш сяброўства, зносіны з іншымі дзецьмі. Мы абавязкова прыедзем сюды са спектаклем, будзем рады бачыць і іх на сваіх мерапрыемствах. Гэта ўзбагаціць душы і будзе карысна дзецям і дарослым з абодвух бакоў.

У гэты ж дзень кіраўніцтва ДУА “Сярэдняя школа №4 г.Івацэвічы” пабывала з такой жа дабрачыннай акцыяй “Падары цацку дзецям” і ў ДУА “Быценскі дзіцячы дом”.

21 снежня вучні ДУА “Сярэдняя школа №4 г.Івацэвічы” з канцэртам, падарункамі і навагоднімі віншаваннямі плануюць наведаць дзяцей з прыёмных сем’яў, што вучацца ў ДУА “Падстарынская сярэдняя школа”.

У рамках рэспубліканскай акцыі “Нашы дзеці” віншаванні і ўручэнне падарункаў да Новага года чакаюць дзяцей з абмежаванымі магчымасцямі, якія вучацца ў ДУА “Сярэдняя школа №4 г.Івацэвічы”.

Если вы нашли ошибку, пожалуйста, выделите фрагмент текста и нажмите Ctrl+Enter.

ЧИТАТЬ ЕЩЕ СТАТЬИ

105
21 августа 2019 12:09

Школьница из Бреста вышла в финал отборочного тура детского конкурса песни «Евровидение-2019»

Прослушивание участников национального отбора этого конкурса состоялось 20 августа на самой большой телевизионной площадке - в студии «600 метров» Белтелерадиокомпании.

322
15 августа 2019 20:36

Что нужно знать для лучшей адаптации ребенка в детском саду?

Август – тот месяц, которые многие родители ждут с нетерпением и, конечно же, волнением: их дети впервые идут в сад.

98
06 августа 2019 14:54

Детскую игровую площадку открыли в парке в Пинске. ФОТО

04 августа в Пинском городском парке культуры и отдыха им. Краснознаменной Днепропетровской флотилии состоялось торжественное открытие одной из трех установленных в городе детских площадок в рамках проекта «Сочный дворик». Игровые комплексы стали подарком от бренда «Сочный» для маленьких пинчан.

257
05 августа 2019 14:25

На питание в детских садах Беларуси продуктов и денег будут выделять больше

Это предусмотрено постановлением Совета Министров РБ №504 от 31 июля 2019 года, которое официально опубликовано на Национальном правовом интернет-портале.

Сообщить об опечатке

Текст, который будет отправлен нашим редакторам: