Брэсцкая “справа карагоду” прырасла паэтам-пчаляром з-пад Пружан Міколам Папекам

21:39 19 февраля 2021
ОБСУДИТЬ
Яму памянялі статус з падазраванага ва ўчыненні крыміналу на абвінавачанага

Праваахоўнікі умяняюць Міколу Папеку парушэнне артыкула 342 Крымінальнага кодэкса (арганізацыя дзеянняў, якія груба парушаюць грамадскі парадак, або актыўны ўдзел у іх). 19 лютага яму прапанавалі азнаёміцца з матэрыяламі крымінальнай справы.

Два дні следчы рабіў пераклад дакументаў на беларускую мову: гэта было патрабаванне Міколы Папекі.

Карагод у Брэсце вадзілі і спявалі песні 13 верасня мінулага года. Праваахоўнікі закрылі плошчу Леніна, дзе звычайна збіраліся ахвочыя выказаць пратэст супраць жнівеньскіх скандальных прэзідэнцкіх выбараў. Калона ў некалькі тысяч чалавек рушыла ў бок Кобрынскага моста.

Людзі занялі скрыжаванне праспекта Машэрава і бульвара Касманаўтаў (не сучасных, як іх называюць у двухкоссі ў народзе, а сапраўдных). На нейкі час быў спынены рух транспарту. Маладыя людзі сталі ў карагод і весяліліся, пакуль іх не разагнаў вадамёт.

https://1reg.by/2020/09/13/v-breste-vo-vremya-voskresnogo-marsha-miliciya-ispolzovala-vodomet/

Цяпер у Брэсце праходзяць суды. Абвінавачаных назбіралася каля пяці дзясяткаў. Абвінаваўцы патрабуюць  за карагод пратэсту ад паўтара да двух гадоў калоніі, – абмежаванне волі з накіраваннем у пенітэнцыярную ўстанову або без яго. Паўтара гады “намералі” педагогу Марыне Глазавай, дачцы вядомага брэсцкага паэта, якую прызнаюць арганізатаркай карагода. Паводле ўласнай інфармацыі, прысуды першай дзясятцы маюць быць аб’яўленыя 25 лютага а 11-й гадзіне. Будуць яшчэ дзве групы падсудных.

Мікола Папека быў затрыманы дома ў Лінова ў снежні. Прасядзеў у ізалятары часовага ўтрымання ў Паўночным гарадку Брэста двое сутак. Потым яго былі пакінулі ў спакоі, прадпрымальнік пасечнай справы паспеў адзначыць сваё 59-годдзе. Але цяпер вырашылі-такі судзіць.

https://1reg.by/2020/11/30/pruzhansk-paet-pchalyar-m-kola-papeka-zatryimanyi-pa-kryim-nalnay-sprave/

Мікола Папека вядомы краявед, аўтар “аблаўрэачанага” зборніка вершаў “Чарнавікі”. Мае пасеку з 80 вулляў, якія возіць скрозь па Берасцейшчыне. Папека з’яўляецца заснавальнікам унікальнай у свеце Мядовай прэміі (пуд мёду). Прэмія збольшага берасцейская рэгіянальная, але адзначыла і свой міжнародны фармат: у 2013 годзе была ўручаная паэтцы з Валыні Ніне Горык.

Брэсцкая “справа карагоду” прырасла паэтам-пчаляром з-пад Пружан Міколам Папекам
Мядовая прэмія для Ніны Горык. Фота з архіва Берасцейскага аддзялення Саюза беларускіх пісьменнікаў

Цяпер пастаўлена пад пытанне, ці будзе юбілейны дваццаты.

ЧИТАТЬ ЕЩЕ СТАТЬИ

25 декабря 2023 10:52

Чаму ў Беларусі падоўжылі бязвізавы рэжым для грамадзян Літвы, Латвіі і Польшчы?

У 2024 годзе грамадзяне суседніх Літвы, Латвіі і Польшчы змогуць прыязджаць у Беларусь у бязвізавым парадку. Прапанову МЗС падтрымаў Аляксандр Лукашэнка. Такім чынам, бязвіз, які дзейнічае з вясны 2022 года (для Польшчы — з 1 ліпеня 2022-га) падоўжаны ў трэці раз.

15 декабря 2023 15:10

Кого в Беларуси смогут лишать пенсий за особые заслуги перед страной?

В Беларуси пересмотрели список причин, по которым могут лишать выплаты пенсий за особые заслуги перед страной. Соответствующее постановление опубликовано на Национальном правовом портале.

12 декабря 2023 15:48

В России беда с яйцами: жуткий дефицит и резкий рост цен. А что в Беларуси?

В соседней стране куриные яйца дорожают не первый месяц, они уже стали "золотым" товаром. Стоит ли беспокоиться белорусским потребителям?

08 декабря 2023 15:18

Более половины жителей Беларуси выступают за прекращение войны России против Украины

Более половины граждан Беларуси (58%) выступают за немедленное прекращение войны России против Украины и мирные переговоры. Об этом свидетельствуют результаты опроса общественного мнения, проведенного Chatham House (Королевский институт международных отношений).