У Брэсце камунальнікі нарыхтоўваюць сена для перагною і венікі-драчы для дворнікаў

12:56 09 июня 2021 622
ОБСУДИТЬ
З перагною хутчэй за ўсё мае плён брыгада па дагляду могілак, з венікаў бюджэт гэтай дзяржаўнай установы і самі дворнікі, якія маюць прыемнасць карыстацца інструментам з прыроднага матэрыялу – бярозавых лапак.

Прыйшло цёплае лета, травастой даспеў для касьбы, і супрацоўнікі камунальнай гаспадаркі абласнога цэнтра не спудлавалі. Сена нагрузілі цэлы “МАЗ”. У пярэднім правым кутку кузава прытулілася ладная вязанка венікаў з цярэбленых галінак бярозы. Работнік, які закідваў сена віламі і трамбаваў, патлумачыў: гэта яго венікі.

На падборцы сена

“Сказалі мне, то вяжу. З бярозавых лапак. Дворнікам нашым”. Пра план на венікі я чамусьці пасаромеўся пацікавіцца, спытаў, куды сена. На выкід, сказаў хлапчына.

Кіроўца, мужчына больш сталага веку,  не пагадзіўся. “Ды не. Возім на Плоску. Складзіруем там, і яно перагнівае. На падкормку потым бяруць.” Спытаў, ці могуць гэта быць магільшчыкі, брыгада, якая сочыць за парадкам. Кіроўцу такая версія не спадабалася, але сам ён дакладна не ведаў. “Каму трэба, тыя і бяруць”.

Каму там, на Плосцы, такое трэба, акрамя жанчын, якія сочаць за аздобай ды кветкамі (ёсьць такая брыгада, даглядае ўсе могілкі, якія на гарадскім балансе). Плоска гэта і ёсць самыя вялікія брэсцкія могілкі. Закрылі іх нядаўна, хаваюць за горадам, на Паўночных могілках, а на Плоску возяць тых, у каго бронь, і асабліва заслужаных – ёсць там такі сектар асабліва роўных сярод роўных.

Венікі-драчы для дворнікаў

Што да венікаў, то для такіх, як нарабіў хлапчына-камунальнік, ёсць ёмістае беларускае слова “драч”. Выдзірае ўсё смецце дазвання. І што з таго, што чалавек з такім інструментам выглядае як сто, а мо і дзвесце гадоў таму. Ці трыста? Асабліва калі ў двары стаіць прыбіральня тыпу “выграбная яма” (ёсць яшчэ такія ў цэнтры Брэста). Гармонія – да яе ж імкнемся.

І хіба не гарманіруе нумар гэтага крыху іржавага (угледзьцеся ў фота) самазвала са звыклым дзяржаўным сцяжком у левым верхнім, тэрміналогіяй футбалістаў кажучы, кутку з парай такіх сама чэ-зікаў у кабіне?

Праўда, я аддаў бы сена якім-небудзь траваедным жывёлам. Або прадаў бы. А венікі… Не ведаю. Надта турыстаў адпужаць можна. Ці прывабіць?

А як вы думаеце?

ЧИТАТЬ ЕЩЕ СТАТЬИ

135
09 сентября 2021 19:14

На Московской в Бресте за день уложили полосу асфальта на отрезке от Завода до Зеленой

Участок улицы Московской на перекрестке с Пионерской в обе стороны последние несколько дней интенсивно ремонтируют дорожные строители.

196
07 сентября 2021 13:05

В ЖКХ Брестской области рассказали, как готовят регион к новому отопительному сезону

Подготовка к сезону холодов завершается, причем для этого используют не только деньги из бюджета, но и кредитные займы, в том числе от Международного банка.

1 138
02 сентября 2021 18:43

В продолжение темы бесхозяйственности в пинских службах ЖКХ

1 сентября мы рассказали о том, как на улице Железнодорожной и Нефтяной в Пинске начался ремонт канализации через несколько дней после окончания реконструкции дорог.

374
02 сентября 2021 10:32

Как проходит ремонт наиболее интенсивной улицы в Пинске?

Улица Иркутско-Пинской дивизии (ИПД) в Пинске имеет важное значение в дорожно-транпртной инфраструктуре города. После проблем с дорожным покрытием, которые вскрылись весной власти города занялись ремонтом дорог, но не все идет гладко. Об этом в репортаже наших пинских коллег.